Lənkəran Dövlət Universiteti — Vikipediya Məzmuna keç 38°45′16″ şm. e. 48°51′04″ ş. u. Vikipediya, azad ensiklopediya Lənkəran Dövlət Universiteti LDU Tip Dövlət Əsası qoyulub 23 iyul 1992 Rektor Natiq İbrahimov Tələbə sayı 7400 nəfər Bakalavr sayı 7000 Magistrant sayı 420 Ölkə Azərbaycan Şəhər Lənkəran Ünvan General Həzi Aslanov xiyabanı - 50 Sayt lsu.edu.az 38°45′16″ şm. e. 48°51′04″ ş. u. Lənkəran Dövlət Universiteti və ya qısaca LDU Azərbaycan Respublikası Elm və Təhsil Nazirliyinin tabeliyində olan ali təhsil müəssisəsi LDU şahmat yarışı 2024 LDU Zoomühəndislik 2023 Tarixi redaktə vikimətni redaktə et Lənkəran Dövlət Universiteti 1991-ci ildə Bakı Dövlət Universitetinin filialı kimi fəaliyyətə başlamış, 1992-ci ildə isə müstəqil dövlət universitetinə çevrilmişdir. 32 il ərzində universiteti 11 mindən çox məzun bitirmişdir. Hazırda universitetdə bakalavr və magistratura üzrə 7000 nəfər tələbə, doktorantura səviyyəsi üzrə 20 nəfər təhsil alır, 400-dən çox professor-müəllim və inzibati heyət çalışır. Universitetdə mütəmadi olaraq Beynəlxalq və Respublika elmi konfransları keçirilir. Tələbə və müəllimlərimiz Respublika və Beynəlxalq bilik müsabiqələrinə, idman yarışlarına da fəal qatılır, həmçinin bir sıra sosial-siyasi və mədəni tədbirlərin təşəbbüskarı kimi çıxış edirlər. LDU Xəzəryanı Ölkələrin Dövlət Universitetlərinin, Avrasya Universitetləri, Azərbaycan-Rusiya Ali Təhsil Müəssisələri Assosiasiyalarının, Qafqaz Universitetləri Birliyinin üzvüdür, 50-dən artıq xarici ölkələrin ali təhsil müəssisələri ilə akademik əməkdaşlıq qurmuş və ikitərəfli müqavilələr imzalamışdır. Lənkəran Dövlət Universiteti ERASMUS+, Mevlana, HORİZON-2020 və digər beynəlxalq layihələrinin iştirak-çısıdır. Bu layihələr çərçivəsində universitetimiz bir çox xarici universitetlərlə tələbə və müəllim mübadiləsi həyata keçirmiş, "QS Rankings"ə qoşulmuş, həm xarici, həm də respublika ali təhsil müəssisələri ilə ikili diplom müqavilələri imzalamışdır. Hazırda təhsil və tədqiqat işləri 6 fakültə və 14 kafedrada həyata keçirilir: "Azərbaycan Universitetlərində Yaşıl və Dayanıqlı İqtisadiyyatın Təkmilləşdirilməsi: Bərpa Olunan Enerji və İqlim Dəyişikliklərinin Azaldılması — REFRESH" layihəsi çərçivəsində UNEC ilə tərəfdaşdır. Maddi-texniki bazası redaktə vikimətni redaktə et Lənkəran Dövlət Universitetinin infrastrukturuna 4 tədris binası, 10 laboratoriya, aqrar təcrübə sahəsi, istixanalar, turizm təcrübə mərkəzi, İngilis dili mərkəzi, linqofon kabineti, idman zalı, iki kiçik və bir böyük futbol meydançası, fitness zalı, konfrans zalları, elmi kitabxana (elektron), elmi kitabxananın nəzdində internet şəbəkəyə çıxışı olan 5 oxu zalı (üç oxu zalı tədris korpuslarındadır), müasir standartlara cavab verən TV, internet və s. ilə təchiz olunmuş oğlanlar və qızlar üçün ayrı-ayrı yataqxanalar, professor-müəllim heyəti üçün xidməti mənzillər, yeməkxanalar və mətbəə daxildir. Universitetin elektronlaşdırılması məqsədilə "Elektron Universitet" layihəsi işlənib hazırlanmış və layihə uğurla tətbiq edilməkdədir. "Turizm və Otelçilik" və "Qida məhsulları mühəndisliyi" ixtisası üzrə mütəxəssis hazırlığının aparılması məqsədilə Turizm tədris-təcrübə bazası, Qida texnologiyası, Qida təhlükəsizliyi laboratoriyaları fəaliyyət göstərir. Universitetin ərazisində 3 hektar sahədə sitrus bitkiləri və kənd təsərrüfatı məhsulları becərəlir. Hər bir tədris binasının ətrafında tələbələrin asudə vaxtlarını səmərəli keçirməsi üçün yeməkxanalar, yaşıllıqlarla əhatə olunmuş parklar mövcuddur. Tədris müəssisəmizdə Respublika və Beynəlxalq elmi konfranslar, mədəni-kütləvi tədbirlərin keçirilməsi üçün müasir tələblərə cavab verən böyük konfrans zalı vardır. Universitet auditoriyaları interaktiv lövhələr, kompüterlər, proyektorlar və digər tədris yönlü avadanlıqlarla təchiz olunmuşdur. Tərkibi redaktə vikimətni redaktə et Kolleclər redaktə vikimətni redaktə et Lənkəran Dövlət Universitetinin nəzdində Sosial və Aqrar-Texnoloji Kollec fəaliyyət göstərir. Rektorları redaktə vikimətni redaktə et Hacıbaba Əzimov ; (1992–1997) Mirzə Ağa Bağırov ; (1997–2005) Asəf İskəndərov ; (7 aprel 2005 – 28 mart 2016) rektor olmuşdur. Natiq İbrahimov ; LDU-nun hazırkı rektorudur. Beynəlxalq əlaqələri redaktə vikimətni redaktə et Lənkəran Dövlət Universitetinin (LDU) Beynəlxalq Əməkdaşlıq Şöbəsində xarici universitetlərlə ikitərəfli əməkdaşlığın istiqamətləri, tələbə və professor-müəllim heyətinin mübadiləsi proqramları, beynəlxalq təhsil proqramlarında iştirakı, universitetə əcnəbi tələbələrin qəbulu, müvafiq beynəlxalq təşkilatlarla əməkdaşlığı və s. həyata keçirilir. LDU-da xarici universitetlərlə əməkdaşlığı, tələbə və akademik heyətin mübadiləsi, birgə Yay Məktəbləri və İkili Diplom proqramlarının həyata keçirilməsi, birgə elmi konfrans və seminarların təşkilini və qarşılıqlı faydalı təcrübənin keçirilməsi nəzərə alınır. Lənkəran Dövlət Universiteti ölkəmizdə fəaliyyət göstərən ERASMUS+, Mövlana (Türkiyə) və digər beynəlxalq təşkilatlarla layihələr həyata keçirir və onlarla əməkdaşlıq edir. Bu layihələr çərçivəsində Ukraynanın (Xarkov Milli Radioelektronika Universiteti), Çexiyanın (Mendel Universiteti), İspaniyanın (Leon Universiteti), Polşanın (Varmia və Mazuri Universiteti, Rzsezov Universiteti), Macarıstanın (Kaposvar Universiteti, Debrecen Universiteti), Rumıniya (Qalati Universiteti), Türkiyə (Marmara Universiteti, İstanbul Universiteti Ankara Universiteti , Ege Universiteti, Qazi Universiteti və s.) və digər ölkələrin bir sıra universitetləri ilə əlaqələr qurulmuş, akademik heyət və tələbələrin uyğun universitetlərin təlimlərində iştirakı həyata keçirilmişdir. LDU Xəzəryanı Ölkələrin Dövlət Universitetlərinin, Avrasiya Universitetlərinin, Azərbaycan-Rusiya Ali Təhsil Müəssisələrinin və Qafqaz Universitetinin üzvüdür. Bu birliklərlə yanaşı, LDU dünyanın 100-ə yaxın universiteti və akademik institutu ilə elmi və təhsil əlaqələrini inkişaf etdirir və müvafiq ikitərəfli müqavilələr imzalanır. Hazırda bir sıra beynəlxalq layihələrdə tərəfdaş universitet kimi fəal iştirak edilir və LDU-nun professor-müəllim və tələbələri Avropanın müxtəlif universitetlərində olmuşlar. Onlar Erasmus+KA171, Erasmus+ KA2 proqramı (Ali təhsildə potensialın gücləndirilməsi) çərçivəsində Avropa ölkələrinin universitetlərində mühazirələr oxumuş və təlimlərdə iştirakı təmin edilmişdir. Universitetin ISSN indeksli "Scientific News" jurnalı ildə iki dəfə riyaziyyat, təbiət elmləri və humanitar elmlər seriyasından ibarətdir. Universitetimiz dünyanın nüfuzlu ali təhsil reytinqləri "QS World University Rankings" və "Webometrics" siyahısına qoşulub və hazırda reytinqlərin zirvəsinə yüksəlməyi hədəfləyir. 2024-cü ildən Lənkəran Dövlət Universiteti dünyanın ən nüfuzlu reytinq təşkilatlarından olan QS stars reytinq sistemində iştirak etməyə başlamışdır. QS Stars-də məlumatları yeniləmək və Beynəlxalq Əməkdaşlıq Şöbəsində bir neçə əsas fəaliyyətə diqqət yetirilmişdir. Xüsusilə LDU-nun Websaytında məlumatların yenilənməsi və QS Stars meyarlarına uyğunlaşdırmaq üçün LDU-nun siyasəti yenilənmişdir. QS World University Rankings-də (WUR) mövqeyimizi yaxşılaşdırmaq üçün Beynəlxalq Əməkdaşlıq Şöbəsində bir neçə əsas fəaliyyətə diqqət yetirilmişdir. Xüsusilə tədqiqat nəticəsi, fakültə performansı və tələbə cəlbi kimi sahələrdə WUR meyarlarına uyğunlaşdırmaq üçün LDU-nun siyasəti yenilənmişdir. Fakültənin nailiyyətləri, tədqiqata təsiri və beynəlxalq əməkdaşlıqlar haqqında dəqiq və əlçatan məlumatı təmin etmək üçün kafedraların veb-saytı yenilənmişdir. Həmçinin WUR portalına tədqiqat nəticələri, fakültə/tələbə nisbətləri, işçilərin sayı, tələbə və müxtəliflik daxil olmaqla ətraflı və sübuta əsaslanan məlumatları daxil edilmişdir. Universitetin vebsaytında fakültə nailiyyətlərini və WUR meyarlarını dəqiq vurğulamaq üçün mühüm yeniləmələr edilmişdir. İstinadlar redaktə vikimətni redaktə et REFRESH" layihəsi çərçivəsində yerli tərəfdaş universitetlər təlimlər keçirilib" . news.unec.edu.az (az.) . 21 may 2024. 23 aprel 2025 tarixində arxivləşdirilib İstifadə tarixi: 13 dekabr 2024 "Lənkəran Dövlət Universitetinin rektoru vəzifəsindən azad edildi (ƏLAVƏ OLUNUB)" 28 mart 2022 tarixində arxivləşdirilib İstifadə tarixi: 22 dekabr 2018 Xarici keçidlər redaktə vikimətni redaktə et - Lənkəran Dövlət Universiteti Azərbaycandakı ali təhsil müəssisələri Dövlət ali təhsil müəssisələri "ADA" Universiteti Azərbaycan Dillər Universiteti Azərbaycan Dövlət Aqrar Universiteti Azərbaycan Dövlət Dəniz Akademiyası Azərbaycan Dövlət İqtisad Universiteti Azərbaycan Dövlət Mədəniyyət və İncəsənət Universiteti Azərbaycan Dövlət Neft və Sənaye Universiteti Azərbaycan Dövlət Pedaqoji Universiteti Azərbaycan Dövlət Rəssamlıq Akademiyası Azərbaycan İdman Akademiyası Azərbaycan İlahiyyat İnstitutu Azərbaycan Memarlıq və İnşaat Universiteti Azərbaycan Milli Konservatoriyası Azərbaycan Respublikasının Prezidenti yanında Dövlət İdarəçilik Akademiyası Azərbaycan Texniki Universiteti Azərbaycan Texnologiya Universiteti Azərbaycan Tibb Universiteti Azərbaycan Turizm və Menecment Universiteti Bakı Ali Neft Məktəbi Bakı Dövlət Universiteti Bakı Xoreoqrafiya Akademiyası Bakı Musiqi Akademiyası Bakı Mühəndislik Universiteti Bakı Slavyan Universiteti Gəncə Dövlət Universiteti Lənkəran Dövlət Universiteti Milli Aviasiya Akademiyası Mingəçevir Dövlət Universiteti Naxçıvan Dövlət Universiteti Naxçıvan Müəllimlər İnstitutu Sumqayıt Dövlət Universiteti M.V.Lomonosov adına Moskva Dövlət Universitetinin Bakı filialı Türkiyə–Azərbaycan Universiteti İ.M.Seçenov adına Birinci Moskva Dövlət Tibb Universitetinin Bakı filialı İtaliya-Azərbaycan Universiteti Özəl ali təhsil müəssisələri Azərbaycan Əmək və Sosial Münasibətlər Akademiyası Azərbaycan Kooperasiya Universiteti Azərbaycan Universiteti Bakı Avrasiya Universiteti Bakı Biznes Universiteti Bakı Qızlar Universiteti "Naxçıvan" Universiteti Odlar Yurdu Universiteti Qərbi Kaspi Universiteti Xəzər Universiteti Xüsusi təyinatlı ali təhsil müəssisələri Azərbaycan Daxili Qoşunlarının Hərbi İnstitutu Azərbaycan Respublikası Daxili İşlər Nazirliyinin Polis Akademiyası Azərbaycan Respublikası Dövlət Gömrük Komitəsinin Akademiyası Azərbaycan Respublikası Dövlət Sərhəd Xidməti Akademiyası Azərbaycan Respublikası Fövqəladə Hallar Nazirliyinin Akademiyası Dövlət Təhlükəsizliyi Xidmətinin Heydər Əliyev adına Akademiyası Milli Müdafiə Universiteti Bağlanan və ya birləşdirilən Azərbaycan Ali Hərbi Təyyarəçilik Məktəbi Azərbaycan Ali Hərbi Dənizçilik Məktəbi Azərbaycan Beynəlxalq Universiteti Azərbaycan İctimai-Siyasi Universiteti Azərbaycan Müəllimlər İnstitutu Bakı Asiya Universiteti Bakı Əmtəəşünaslıq Kommersiya İnstitutu Bakı İslam Universiteti Mingəçevir Politexnik İnstitutu Müstəqil Azərbaycan Universiteti Qafqaz Universiteti Təfəkkür Universiteti Universitet haqqında olan bu məqalə qaralama halındadır . Məqaləni redaktə edərək Vikipediyanı zənginləşdirin. Sosial şəbəkələrdə Foto, video və audio Normativ yoxlama ISNI 0000000094197940 LCCN n2006078681 VIAF 138590573 WorldCat VIAF 138590573 Mənbə — " Kateqoriyalar Əlifba sırasına görə təhsil müəssisələri 1992-ci ildə yaradılmış təhsil müəssisələri Universitet qaralamaları Lənkəran Dövlət Universiteti Azərbaycan universitetləri 23 iyulda yarananlar 1992-ci ildə Azərbaycanda yarananlar Gizli kateqoriyalar: Infobox mapframe without OSM relation ID on Wikidata Kartographer uzantısından istifadə edən səhifələr Lənkəran Dövlət Universiteti Mövzu əlavə et