| Austrie | |
|---|---|
 | |
| Date amministrative | |
| Nome comblete | Repubbleche d'Austrie |
| Nome ufficiale | Republik Österreich |
| Lènghe ufficiale | tedesche (dialètte austriache) |
| Otre lènghe | croate ed ungherese, 'na minoranze jndr'ô Burgenland, e slovene, 'na minoranze jndr'à Carinzie |
| Capitale |  Vienne (1.680.266 ab. / 2009)
|
| Politiche | |
| Forme de governe | Repubbleche parlamendare federale |
| Presidende | Alexander Van der Bellen |
| Cangelliere | Sebastian Kurz |
| 'Ndipendenze | 27 luglie 1955 da le Naziune Aunìte |
| Trasute jndr'à l'ONU | 14 decèmmre 1955 |
| Trasute jndr'à l'UE | 1º scennàre 1995 |
| Superficie | |
| Totale | 83 879 km² (112º) |
| % de le acque | 1,3% |
| Popolazzione | |
| Totale | 8.725.931 ab. (2016) (94º) |
| Denzetà | 101,4 ab./km² |
| Nome de le javetande | Template:AggNaz/Austrie |
| Sciugrafije | |
| Continende | Europe |
| Fuse orarie | UTC+1 UTC+2 in ore legale |
| Economie | |
| Valute | Euro |
| PIL (nominale) | 328,571 milione de $ (2008) (35º) |
| PIL pro capite (nominale) | 39,887 $ (2008) (13º) |
| ISU (2007) | 0,955 (ìrte) (14º) |
| Consume energetiche | 0,76 kWh/jav. anne |
| Varie | |
| Codece ISO 3166 | AT, AUT, 040 |
| TLD | .at, .eu |
| Prefisse tel. | +43 |
| Sigle autom. | A |
| Late de guide | Destre (↓↑) |
| Inne nazionale | Österreichische Bundeshymne |
| Feste nazionale | 26 ottommre Anniversarie d'a dichiaraziune de neutralitate d'u 1955 |
 | |
| Cange le date sus Uicchidate · Manuale | |
L'Austrie (jndr'ô tedesche Österreich), ufficialmèndte Repubbleche d'Austrie (jndr'ô tedesche Republik Österreich), jè 'nu State membre de ll'Aunìone europèe acchiate jndr'à ll'Europe cendrale e senze sbocche sus 'u mare. Confine cu Svizzere (Cantone de le Griggione e Canton San Gallo) e Liechtenstein ad ovest, Itaglie (Trendine-Ìrte Adige, Veneto e Friuli-Venezia Giulia) e Slovenie a sud, Ungherie e Slovacchie ad est, e Germanie (Bavière) e Repubbleche Ceche a nord. 'A capitale jè 'a cetate de Vienne, acchiate sus a lle rive d'u jume Danubio.
Le origgene d'a muderne Austrie resalene ad 'u IX sèchele, quanne 'u territorie de ll'Ìrte e d'a Vasce Austrie devende sembre cchiù populate. 'U nome "Ostarrichi" jè documendate pe' 'a prime vote jndre 'nu documènde ufficiale da 'u 996 de Ottone I. Da qèdde mumènde quèste parole s'ète evolute jndre Österreich.[1]
L'Austrie jè 'na democrazie rappresendative parlamendare (pure ce sije, de iure, 'na repubbleche semipresidenziale), comboste da nove State federate[2] e jè une de le sèje pajèsere europee ca honne dichiarate 'a neutralitate permanende[3] e une de le picche pajèsere ad 'u munne ca tène 'u congette de neutralitate eterne jndr'à sùve costituziune. L'Austrie jè membre de lle Naziune Aunìte da 'u 1955.[4]
'A Kleinwalsertal ed 'u paise de Jungholz sonde raggiungibbele sule d'a Germanie. 'U paise de Samnaun (Svizzere) fine a picche anna rrète jève unecamènde raggiungibbele sule da ll'Austrie.
'A trasùte jndr'à ll'Aunìone europèe jè avvenute 'u 1º scennàre 1995.
L'Austrie jè 'na repubbleche federale scucchiáte jndre nove state federate.
L'Austrie jè comboste da 9 state federate (tedesche: Bundesland, plurale: Bundesländer) a lòte volte scucchiáte jndre 84 Destritte (Bezirk plurale Bezirke) e 15 Cetate a Statute Autonome (Statutarstadt, plurale Statutarstädte). Le 84 Destritte sonde scucchiáte jndre 2.381 Comune (Gemeinde, plurale Gemeinden)
- Burgenland (Capeluèche Eisenstadt)
- Carinzie (Capeluèche Klagenfurt)
- Vasce Austrie (Capeluèche St. Pölten)
- Ìrte Austrie (Capeluèche Linz)
- Salisburghese (Capeluèche Salisburgo)
- Stirie (Capeluèche Graz)
- Tirole (Capeluèche Innsbruck)
- Vorarlberg (Capeluèche Bregenz)
- Vienne
Le cetate prengepàle sonde 'a capitale Vienne e le capeluèche de le otre 8 State federate: St. Pölten, Linz, Salisburgo (Salzburg), Innsbruck, Bregenz, Klagenfurt, Graz ed Eisenstadt. 'Mbrà le cetate ca non ge sonde capeluèche de le Bundesländer le cchiù populose sonde Wels e Villaco (Villach).
'U Cape de State jè 'nu Presidende Federale (tedesche: Bundespräsident) elette ogne 6 anne cu 'na votaziune derette a suffrage. 'U Presidende a soje vote scacchie 'u Cangelliere Federale (mendre stè scacchie pòte ccu essere 'nu picche franghe, però ha dda pigghià n'consideraziune 'a maggioranze d'u conziglie naziunale), tradizionalmènde 'u cape d'u prengepàle partite resultande da lle eleziune pe' 'u parlamènde. 'U Parlamènde austriache cunde dò camere, 'u Conziglie Federale Austriache (Bundesrat), comboste da 64 rappresentande de lle State federate, a seconne d'a popolazzione, ed 'u Conziglie Naziunale Austriache (Nationalrat) ('a sule Camere cu 'a quale 'u Potere esecutive 'ndrattène 'u rapporte de fiduce), comboste da 183 membre elette derettamènde.
L’istruziune scolasteche jè obblegatorie da 6 a 15 anne. Scole Premarie/Volksschule (6-10 anne), Scole Seconnarie/ Hauptschule o AHS-Unterstufe (10-14 anne) Anne 'ndeggrative prime de lle scole superiore/Polytechnische Schule (PTS) (14-15 anne) Superiore/Upper level (15-18 anne)
'U sisteme sanitarije Austriache non g'ète assaje canosciute pure ce ète assaje nnande cu le timbe.
Le Forze armate austriache sonde nasciùte jndr'ô 1955 nnande a lle 'ndependenze d'a Seconne repubbleche austriache. Jèdde cundane 30.000-40.000 uèmmene e tènene 'na mobbelitaziune de 120.000 crestiáne.
- ↑ Brook-Shepherd Gordon, The Austrians: A thousand-year odyssey (pag. 4), 1997. ISBN 0-7867-0520-5
- ↑ Lonnie Johnson, Introducing Austria: A short history, Ariadne Press, 270 Goins Court, Riverside, CA 92507, 1989. ISBN 0-929497-03-1 pag. 17
- ↑ Lonnie Johnson, Introducing Austria: A short history, Ariadne Press, 270 Goins Court, Riverside, CA 92507, 1989. ISBN 0-929497-03-1 pag. 155–156
- ↑ CIA Libro dei Fatti par. 1
- (EN) Brook-Shepherd Gordon, The Austrians: A thousand-year odyssey, Carroll & Graf Publishers, Inc.; 19 West 21st Street; New York, NY 10010, 1997, ISBN 0-7867-0520-5.
- (EN) Lonnie Johnson, Introducing Austria: A short history, Ariadne Press, 270 Goins Court, Riverside, CA 92507, 1989, ISBN 0-929497-03-1.
- Flavia Foradini, Otto d'Asburgo. L'ultimo atto di una dinastia, Trieste, mgs press, 2004, ISBN 88-89219-04-1.