Ulidanö (li Indonesia: dunia) no tete si fasui Tanöa (li Indonesia: bumi ma planet bumi) heza auri ngawalö zauri ba danö. Tanöa andre no owulo-wulo hulö bola, ba ba gulinia so nasi sebolo, tanö soköli ba ngawalö zauri ba danö. Lö aetu ifagaolo ia Tanöa, moroi ba gaekhula lumalö ba gatumbukha. Börö da'ö ha matonga luo tola la'ila luo ya'ira niha si so ba zi sambua nahia ba gulidanö. Eluahania, na laŵa'ö niha ulidanö, si so ba dödöra ya'ia da'ö nahia heza so nasi, tanö sebolo ba ngawalö zauri fefu. Na andrö atö niŵaö ba dödö nifotöi "planet bumi", ba tafotöi da'ö ba wiki andre Tanöa. Fao awö Venus, Mars, Yupiter, btn. ifasui luo Tanöa, döfi wa'arania.