Welfa wetce divatcepe dem lavok wale toloya ok loa tadava tawavapon zo tentur. Dere tickir lavakrotc dun tuwarzana gan birasalt. Mon 70.8 % ke tawavafa welma tir besanafa gu welfeem. Agvavon, va aluboya welfa ( is jontika bira ) patat.
Mialukafe aludeve ke welfeem tir vas 3682 m-. Ane midafe titsuye vas 11 020 m- koe Marianna kela tigir.
| Yolt | Welma | % ke welfeem | Katcalaks |
|---|---|---|---|
| Pacifika Welfa | 165 250 000 km² | 43,5 | Tir tela logijafa is lodaludevafa welfa, besasa va tanoya bareaca ke winkafa welma. Sidayafa ik midafa tculkuca tir zolonafa. Fenkupusa van geeon Antarktika welfa vox licapasa van lenteon Bering vedil. |
| Atlantika Welfa | 106 400 000 km² | 28,0 | Tir tela toleafa welfa kare welma. Mialukon tir mantafa gu 500 km-. Titak ke bata welfa tir jotafa isen tculkuca tir pinotafa, vaxe koe konaka tursia ok ewaleem ( Islanda, ikz- ). |
| India Welfa | 73 556 000 km² | 19,4 | Gee Asia is Afrika is Australia tigir, cugon koe geef mialapoz. |
| Antarktika Welfa | 20 327 000 km² | 5,4 | Aname Antarktika tadava tigir, ise kimeem tid cunsaf kapbure aryona welfa. |
| Arktika Welfa | 14 090 000 km² | 3,7 | Aname Lentenael tigir, dem welmama is aludeveme. Tir gluyakirafa gu Atlantika welfa is vwepon Pacifika welfa reme Bering vedil. |