En Wiki (vun hawaiiaansch wiki gau) is ene Software för dat gemeensame Tohoopstellen vun Texten dör ene Grupp vun Lüüd in en Reekner-Nettwark. Bi en Wiki hett nich blots en lütte Grupp Lüüd dat Recht, de Texten to ännern. Bi en Wiki rekruteert sik de Schrievers ut de Lesers, ahn dat twischen Leser un Schriever en groot Hinnernis liggt. Dat Wiki hett dorbi mehrsttiets ene egene Textutteknungssyntax, mit de de Texten formateert warrn köönt.