Zais - Wikipedia
Naar inhoud springen
Uut Wikipedia, de vrye encyklopedy
Pezietsie van t Zais in Nederlaand.
Zais zaandkleurig links.
Zais
is n Friso-Frankische
streektoal
. Soamen mit t West- en
Frans-Vloams
vörmt zai n apaart kluster zuudwest-
Nederlaandse
dialekten.
Jacob van Maerlant
onderschaaidde al n aantal zölfstandege '
Dietse
' (Streek)toalen en t Zais is doar aine van, zo blikt onder meer oet de proloog van zien Sunte Fransiscus Leven:
Zais:
Men moet om de rime te souken
Misselike tonghe in bouken:
Duuts, Diets, Brabants, Vlaemsch, Zeeus;
Walsch, Latijn, Griex ende Hebreeus
Vertoaln:
Men mout om de raim tou zuiken
Verschaaidene toalen ien bouken
Duuts, Diets, Broabants, Vloams, Zais;
Woalsters, Latain, Grieks en Hibbrais
Alzo Zais wuir dou as Zeeusch speld en was as begrip gangboar as aanduden van de toal van de
Vloamse
kust. Doar verstond men tot t begun
15e aiw
tou t haile ailaandrieke kustgebied van
Oostvoarn
tot veurbie
Duunkèrke
onder.
Tegenswoordeg, nou streektoalen en minderhaidstoalen volop in de belaangstellen stoan, binnen aal meer minsken van mainen, dat t Zais, net as t
Leegsaksisch
en t
Limbörgs
, as zölfstandege streektoal erkend worden zol mouten. t Europees Haandvest veur Streek- of Minderhaidstoalen baaidt doar meer as voldounde meugelkheden veur. Op provinsjoal nivo wordt doarover sunt kört overleg vouerd. De vroag dij doarbie vanzulfsprekend raaist, is of dij eerkennen ook veur t Frans- en West-Vloams goan gelden zol mouten.
Belgie
en
Frankriek
hebben t nuimde haandvest anders nait ondertaikend, al zol Frankriek op t punt stoan om dat nou wel te doun. Der is overleg tuzzen
Zeelaand
en
Frans-Vloandern
Regiolekten en kenmaarken
bewark
bronkode bewarken
t Zeeuws is onder te verdailen in n aantal dialektgroepen of regiolekten:
Svores
Oostvoarn
en omgeven),
Goereês, Flakkees, Fluplands
(Sunt Philipslaands),
Thools, Schouws, Duvelands, Noord-Bevelands, Zuud-Bevelands, Walchers, West-Zeêuws-Vlaoms (of Cezands) en Land-van-Axels
. Doarnoast is t Zais staark verwant aan t
West-Vloams
De dialekten van t Laand van Hulst, t oostelkste dail van
Zais-Vloandern
, en n aantal Zais-Vloamse grensdörpen binnen gain Zaise, mor
Oost-Vloamse
(alzo Frankische) dialekten.
Binnen de verschaaidene regiolekten hebben de maiste ploatsen n aaigens dialekt. Mor aal meer van dij ploatseleke dialekten vervlakken. Mainstied binnen allend de dialekten van 'sloten' gemainskoppen nog dudelk van de dialekten van omringende ploatsen te onderschaaiden (
Ouddorp
Bruinisse
Yerseke
Arnemuiden
Westkapelle
Eede
). Aan sprekers is nog wel aal dudelk te heuren oet welke streek zai vot kommen en binnen grotere streken as Flakkee, Zuud-Bevelaand en Schouwen bestoan regionoale verschillen. Dij verschillen binnen binoa aaltied oost-west orienteerd.
n Apaart stee binnen t Zais wordt iennomen deur t börger-Zais van
Middelbörg
en
Vlissen
(en tegenswoordeg ook
Oost
- en
West-Soubörg
), dat biezunder staark verschilt van t omringende
Walcherse
plattelaandsdialekt. De dialekten van andere steden en stadken as
Zierikzee
Goes
Veere
Tholen
Oostbörg
Axel
en
Terneuzen
wieken veul minder of van de omringende plattelaandsdialekten.
De nuimde regiolekten loaten noar t zuden tou aal meer Vloamse kenmaarken zain. Is op Schouwen n zummer in Zeelaand nog
n zomer in Zeêland
, vanof
Walchter
en
Zuud-Bevern
wordt dat
n zeumer in Zeêland
. Wat woordskat betreft verschillt t noorden en t zuden ook van mekoar. Op Zuud-Bevern eet men
aerebemezen
of
aerebezems
, op Walcheren binnen dat 'frinzen' of 'frenzen' (van t
Franse
'fraises').
t Dialekt van midden en westelk Zais-Vloandern lieken staark op t West-Vloams van juust over t grèns. Ainege opmaarkelke verschil is t ontbreken van t oe-oetsproak van de Nederlaandse ou in Zais-Vloandern. De woordskat van Zais-Vloandern is veul meer dan dij van t West-Vloams deur t
Nederlaands
beinvloud.
aantal spreker
bewark
bronkode bewarken
Oet n drijtel regionoale onderzuiken (Evenhuis 1995; Riemens 1995; Menheere 1988) is of te laiden dat in hail
Zeelaand
middelkerwies nog veur roem 60% van de Zaise bevolken Zais de eerste en belaangriekste toal is. Van de overge 40% t zeker de helfte ainege passive of active kennes van de toal het.
Goeree
Schouwen
en
Duivelaand
, t uterste westen en oosten van
Zuud-Bevern
, de westpunt van
Walcher
en
West-Zais-Vloandern
kennen t hoogste percentoazjes dialektspreker. Positive uutschieters binnen lougen as
Brunesse
Arnemuiden
en
Westkapelle
(mit zulfs meer as 90% Zaistoalegen onder de jonger) en de maiste West-Zeeuws-Vloamse lougen (mit noame
Hoofdplaat
Breskens
en
Schoondijke
).
In West-Vloandern sprek binoa 90% van de haile bevolken nog (bie veurkeur) West-Vloams (roem 1 miljoen sprekers). In Frans-Vloandern wordt de streektoal allend deur de oldsten (sums meer as 80%) en viefteg-plussers (ob. 10-50% spreker) nog sproken (totoal nog mor zo-ain 20.000 spreker).
Der is ien Frans-Vloandern anders n opmaarkelk grode belaangstellen veur kurzussen ien de streektoal. De verwachten is den ook, dat t Frans-Vloams nooit hailmoal oetstaarven zell, mor hou laanger hou meer veurbeholden wezen zell aan n relatief klaine groep zeer toalbewuste twijtoaligen.
t Tetoal aantal spreker van Zeeuws/West-Vloams/Frans-Vloams ligt, inklusief de spreker in n aantal enkloaven in Noord- en Zuud-Amerika, op roem 1,5 miljoen.
Aktiviteiten
bewark
bronkode bewarken
De maiste aktive belaangstellen veur de toal vindt men (noa Frans-Vloandern) in de Zak van Zuud-Bevern, woar tel van schrievers, dichters, vertellers, toneelgroepen en muzikanten vot kommen. Veuraal
's-Heerenhoek
is wat dat betreft n echte 'heerd'. Op Walchern wonen de maiste 'stille' genieters: verteloavonds worden der boetengewoon drok bezöcht en der worden relatief veul publikoatsies in en over t dialekt kocht. Walcheren telt anders mor weineg schrievers en vertellers en al hailmoal gain streektoalmuzikanten.
Veuraal in westelk Zais-Vloandern is de belaangstellen veur t Zais nog nait groot, middelkerwies omdat de toal doar nog wel t minst bedreigd wordt. t Aangrènzende West-Vloandern loat datzulfde beeld nog veul staarker zain.
Infrastrukuur
bewark
bronkode bewarken
De 'infrastruktuur' van t Zais is, in vergelieken mit andere streken, nog hail bepaarkt. t Zais kennt n oetvoureg woordenbouk Zeeuws-Nederlaands, mor n woordenbouk Nederlaands-Zeeuws ontbrekt bieveurbeeld. Der binnen mor weinig biebelgedailtes in t Zais vertoald, der is nog gain algemain aksepteerd spelsysteem, der binnen gain kurzussen of lesprogrammas in of over t Zais beschikboar, en der wordt deur de regionoale media nog mor waaineg aandacht aan de toal besteed. Der is ook mor waaineg literatuur verschenen. Van 1997 tot 2008 wuir der n Zaistoaleg tiedschrift van in totoal 24 nummers uutgeven onder de noam
Noe
. Dat tiedschrift is tegenwoordeg in de
Zaise tiedschriftenbaanke
Doarnoast binnen der hier en doar nog wel wat teksten te vinden
[1]
, mor veul serieuze literatuur in en over de toal is der nait. Wel is der n Zaise
streektoalfunksjonoares
, Veronique De Tier, dij waarkt vanoet de Stichting Cultureel Erfgoed Zeeland.
De ainege instantsie dij zoch aktief inzet veur t behold en populariseren van de streektoal is Stichten Zuudwest 7. In West-Vloandern is de situoatsie nog slimmer, in tied dat de kaansen veur de toal der veul groter binnen as in Zeelaand. In 2005 leek der n veurzichtege kentern te hebben ploatsvonden, mit veul laandelke media-aandacht veur t West-Vloams, onder andere deur t grode sukses van de West-Vloamse hip-hopband 't Hof van Commerce. Ien Frans-Vloandern lopt men bie tal van initiatieven nog tegen n onwillege, centralistische overhaid aan. Toch nemt doar t aantal kurzisten in de vraaie kurzussen Nederlaands (Vloams) aal wieder tou en verschienen der aal meer Frans-Vloamse opschriften in t stroatbeeld.
Veurbeeldtekst
bewark
bronkode bewarken
Onzevoader
ien t Zais (ien dit geval t
Walchers
) kin as volgt wezen:
Onzen Vaoder, Jie in d'n emel,
Laet Je naem heileg henoemd ore
Laet Je konienkriek komme
Laet Je wille hedaen ore
Op de aerde juust zôôas in d'n emel.
Heeft ons vandaeg ons daegeleks brôôd,
Verheeft ons onze schulden,
Juust zoôan ok ons onze schuldenaers verheve è.
En brieng ons nie in verleidienge
Mae verlos ons van d'n Duvel.
Want van Joe is 't konienkriek,
De macht en de grôôteid tot in't einde van d'n tied.
Amen
Rifferenties
bewark
bronkode bewarken
Artikel
'Geen Friese toestanden!' Het werk van streektaalfunctionarissen
Boetende hìnwiezen
bewark
bronkode bewarken
Wikipedia
Zaise versy
van
Wikipedia
Webstee veur t Zais
Webstee van de Zeeuwsche Vereeniging voor Dialectonderzoek
Bronnen / wellen:
n Groot dail van de tekst van dizze pagina is ôfkomsteg van de webstee:
, t is vertoald en bewaarkt mit toustemmen van de auteur zölf.
Streektaolen
in
Nederlaand
en
Vlaanderen
Nedersaksies
en
Friso-Saksies
Achterhooks
Draents
Gelders-Oaveriessels
Grönnigs
Sallaands
Stellingwarfs
Tweants
Tweants-Groafschops
Urkers
Veluws
Skokkers
Westlaauwers Frais
Hindeloopers
Kleifries
Noordhoeks
Oosterskellings
Schiermonnikoogs
Westerskellings
Wooldfries
Zuudwesthoeks
Nederfrankies
en
Friso-Frankies
Amelaands
Bildts
Braobaants
Hollaands
Utrechts-Alblasserweerds
Zuud-Hollaands
) ·
Kleverlaands
Limbörgs
Oost-Vlaams
Stadsfries
Westfrais
West-Vlaams
Zais
Zuud-Gelders
Van "
Kategoryen
Grunnegs artikel
Nederlaanse streektael en dialekt
Zeelaand
Zuud-Hollaand
Zais
Ny underwarp